Rocco Vata vazhdon të shkëlqejë me skuadrën e Watford në Angli, kësaj radhe kundër Fulham në FA Cup.
Në minutën ne 33’ të takimit, 19-vjeçari shqiptar mori një pas pranë mesit të fushës, i cili avancoi drejt zonës dhe me një goditje me të djathtën nga distanca, tundi rrjetën duke realizuar një kryevepër.
Me anë të këtij goli, ai barazoi sfidën për Watford, i cili e shihte veten në disavantazh deri në atë minutë.
Ky është goli i tretë për Vatën me Watford që pas transferimit të tij verën që lamë pas, teksa tashmë ka fituar dhe vendin e titullarit.
Kujtojmë që Vatës nuk i është bërë ende asnjë ftesë nga FSHF-ja dhe Sylvinho, ndërsa deri tani ka luajtur për Irlandën U-21, i cili në 7 ndeshje ka realizuar 6 gola.
