Udhëtimi i Interit në Mynih për finalen e Ligës së Kampionëve u kthye në një “katastrofë”. “Nerazzurrët” jo vetëm që u mposhtën nga Paris Saint-Germain, por përjetuan një disfatë historike 5-0.
Një natë që të gjithë te Interi duan ta harrojnë sa më shpejt të jetë e mundur. Por, në anën tjetër të Milanos, disa të tjerë do ta përkujtojnë për një kohë të gjatë, duke u tallur me “armiqtë” e tyre.
Sigurisht, këta janë tifozët e Milanit që dolën në rrugë menjëherë pas finales, me rezultatin që u dha atyre mundësinë të “varrosnin” Nerazzurrët.
Të shoqëruar nga instrumente muzikorë tifozët e Milan mbajtën arkivolin e Interit, duke ironizuar kundërshtarët e tyre.
Pavarësisht viteve të vështira që po kalon Milani, e ka fituar trofeun e Champions League shtatë herë, kështu që tifozët e tyre mburren se janë skuadra më e madhe në Itali.
