Një aksident në Brašov të Rumanisë ka sjellë në qendër të vëmendjes debatin mbi makinat autonome.
VIDEO KETU
Në Brașov të Rumanisë, një grua që po drejtonte një makinë Tesla pati vetëm një çast për të reaguar, kur një kalimtar papritur u rrëzua në rrugë. Ajo ktheu timonin dhe shmangu përplasjen me të, por përfundoi duke u përplasur me një Audi që po vinte nga drejtimi i kundërt.
Fatmirësisht, askush nuk u lëndua rëndë. Bashkëshorti i saj më vonë tha se, po të mos kishte vepruar ashtu, kalimtari ndoshta nuk do të kishte mbijetuar.
Tani po shtrohen pyetje nëse ishte ndihma e autopilotit të Teslës ajo që e ndihmoi, apo ishte vetëm instinkti i saj njerëzor. Në çdo rast, ky moment po ngre diskutime të mëdha mbi rolin e inteligjencës artificiale në vendimet jetike që merren pas timonit.
