Reshjet e shiut tashmë prej disa orësh në qytetin bregdetar të Vlorës, kanë shkaktuar përmbytje dhe vështirësi në qarkullim.
Mësohet se qarkullimi i automjeteve në qytet ka hasur në vështirësi, pasi disa nga rrugët kryesore janë të përmbytura duke shkaktuar edhe trafik.
Raportohet se rruga “Albano-Romina” është gati e pakalueshme për shkak të reshjeve të vazhdueshme.
Situata është përkeqësuar në qytet jo vetëm për automjetet, por edhe për qytetarët. Reshjet e dendura kanë bllokuar rrugët dhe trotuaret janë bërë të pakalushme.
Ndërkohë, po merren masa për normalizimin e situatës. Shërbimet e Ujësjellës-Kanalizime janë angazhuar në terren për pastrimin e rrugëve të bllokuara.
