Manchester United ka dalë nga gara nga një tjetër kompeticion këtë sezon, siç është ai i FA Cup. “Djajtë e Kuq” janë eleminuar nga pika e bardhë e penalltisë në “Old Trafford” nga Fulham, pasi ndeshja shkoi në shtesë.
Fulham gjeti golin e avantazhit në fund të pjesës së parë pas një goditje këndi, Rodrigo Muniz asiston me kokë për Calvin Bassey, ky i fundit e dërgon topin me kokë në rrjetë, duke përfituar nga përgjumja e mbrojtjes vendase.
Goli i barazimit për “Djajtë” erdhi në minutën e 70-të me Bruno Fernandes, portugezi dërgoi topin në rrjetë më një goditje shumë të bukur pas asistit të Dalot. Koha e rregullt përfundoi në barazim 1-1. Ndryshim të rezultatit nuk apti as në kohën shtesë prej 30 minutash, ndaj ekipet iu drejtuan pikës së bardhë të penalltisë.
Për Manchesterin gabuan Lindelof dhe Zirkzee, ndërsa te Fulham u treguan të gjithë të saktë. Manchester United e mbyll këtu aventurën në FA Cup, ndërsa Fulham kualifikohet për në në çerekfinale.
