Rruga e Lingard nga Old Trafford deri në Seul është një nga kthesat më të papritura të karrierës së erës moderne.
Lingard u ndje i humbur pas largimit nga United në vitin 2022. Një vit i vështirë në Nottingham Forest e la atë pa klub për gati tetë muaj, duke përjetuar dështime në stërvitje dhe asnjë ofertë kontrate që i përputhej pritshmëirave dhe ambicieve të tij.
Deri në fillim të vitit 2024, Lingard arriti në një pikë ku vendosi të nënshkruante me gjigantët e Koresë së Jugut. Fillimi i tij, megjithatë, ishte i vështirë. Ai kishte mungesë fitnesi, kishte probleme me minutat e lojës dhe madje mori kritika të ashpra nga menaxheri Kim Gi-dong, i cili vuri në pikëpyetje përkushtimin e tij.
Një lëndim në meniskus kërkoi ndërhyrje kirurgjikale dhe rrezikoi të dëmtonte aventurën e tij në K League. Mirëpo, kjo sfidë u shndërrua në një moment kthesë. Lingard u rikthye më i sharp, më i etur dhe plotësisht i angazhuar në stilin e kërkuar të lojës së Seulit.
Së shpejti, ai bëri një ndikim kaq domethënës, saqë u emërua kapiten i përkohshëm, një nder i rrallë për një lojtar të huaj.
Shitjet e fanellave u rritën, frekuentimi në stadium u shtua dhe u krijua “Lingard Zone” për të kënaqur kërkesat e tifozëve. Më e rëndësishmja, performancat e tij filluan të përmirësoheshin vazhdimisht.
Deri në sezonin e vitit 2025, Lingard nuk ishte më vetëm një figurë marketingu; ai ishte zemra e FC Seoul. Arritja e tij për të shënuar mbi dhjetë gola në ligë për herë të parë në moshën 33-vjeçare është një dëshmi e ringjalljes së tij. Lingard ka rikthyer veten në Azinë Lindore si një lider dhe një atraksion kryesor.
