Një makinë është përfshirë nga flakët mëngjesin e sotëm në zonën e Komunës së Parisit në Tiranë, duke shkaktuar panik te qytetarët. Ngjarja ka ndodhur rreth orës 09:00, ndërsa automjeti ishte në lëvizje dhe drejtohej nga një grua, e cila fatmirësisht ka dalë në kohë dhe nuk ka pësuar lëndime.
Sipas dëshmitarëve në vendngjarje, kalimtarë të rastësishëm u përpoqën të ndihmonin me fikse zjarri, por flakët u përhapën me shpejtësi dhe nuk arritën ta ndalojnë zjarrin.
Zjarrfikësja mbërriti në vendngjarje brenda vetëm 5 minutash dhe ndërhyri me efikasitet, duke shmangur përhapjen e mëtejshme të zjarrit në automjete apo objekte përreth.
Nuk raportohet për persona të lënduar, ndërkohë që shkaqet e shpërthimit të flakëve mbeten ende të paqarta dhe po hetohen nga autoritetet përkatëse.
Pamjet nga vendngjarja mund t’i ndiqni në videon e mëposhtme.
