Policia e Vlorës ka reaguar në lidhje me vdekjen e 68-vjeçarit, Bashkim Durmishit. Në reagim policia bën me dije se ngjarja ka ndodhur rreth orës 19:02, në lagjen “10 Korriku”. Durmishi është gjetur pa shenja jete në banesën e tij.
Policia bën me dije se dyshohet se 68-vjeçari ka pësuar arrest kardiak. Trupi i 68-vjeçarit do të transportohet në morg për ekspertizë mjekoligjore, për të përcaktuar saktësisht shkaqet e dëmtimit të konstatuar në fytyrë dhe të vdekjes.
Njoftimi i policisë:
Vlorë/Informacion paraprak Sot, rreth orës 19:02, në lagjen “10 Korriku”, Vlorë, është gjetur pa shenja jete në banesën e tij shtetasi B.D., 68 vjeç.Paraprakisht, dyshohet se 68-vjeçari ka pësuar arrest kardiak. Trupi i 68-vjeçarit do të transportohet në morg për ekspertizë mjekoligjore, për të përcaktuar saktësisht shkaqet e dëmtimit të konstatuar në fytyrë dhe të vdekjes. Grupi hetimor, nën drejtimin e Prokurorisë, po punon për sqarimin e plotë të rrethanave të kësaj ngjarjeje.
