Një ngjarje e rëndë ka tronditur fshatin Frashër të Fierit, ku një 26-vjeçare, identifikuar si Emanilda Ramaka vrarë babanë e saj me mjet strangulues, për motive të dobëta. Policia ka arrestuar gjithashtu nënën e saj, Valbona Rama 53 vjeçe, e cila dyshohet se ka ndërhyrë për të penguar zbardhjen e së vërtetës.
Sipas hetimeve paraprake, menjëherë pas krimit, 53-vjeçarja ka ndihmuar vajzën për të pastruar trupin e viktimës, me qëllim që vdekja e tij të dukej aksidentale. Specialistët e Seksionit për Hetimin e Krimeve Kundër Personit në Policinë e Fierit bënë arrestimin në flagrancë të saj, nën akuzën për veprën penale “Veprime që pengojnë zbulimin e së vërtetës”.
Njoftimi i policise
Hetimet vijojnë për të zbardhur plotësisht rrethanat e kësaj ngjarjeje tronditëse që ka trullosur opinionin publik.
Vijojnë veprimet hetimore dhe procedurale, për zbardhjen e të gjitha rrethanave të ngjarjes së ndodhur në fshatin Frashër, ku shtetasja E. R. vrau me mjet strangulues, për motive të dobëta, babanë e saj.
Arrestohet nëna e 26-vjeçares, për veprime që pengojnë zbulimin e së vërtetës.
Në vijim të hetimeve të kryera me qëllim dokumentimin e përgjegjësisë penale në lidhje me këtë ngjarje të bashkëshortes së shtetasit A. R., shtetases V. R., 53 vjeçe, të shoqëruar në Polici menjëherë pas ngjarjes, informojmë se specialistët e Seksionit për Hetimin e Krimeve Kundër Personit të Drejtorisë Vendore të Policisë Fier bënë arrestimin në flagrancë të 53-vjeçares, për veprën penale “Veprime që pengojnë zbulimin e së vërtetes”.
Nga hetimet e deritanishme dyshohet se pas vrasjes, shtetasja V. R. ka ndihmuar vajzën e saj, për të pastruar trupin e 56-vjeçarit, me qëllim që të mos zbulohej e vërteta dhe humbja e jetës të dukej aksidentale.
Materialet procedurale iu referuan Prokurorisë së Fierit, për veprime të mëtejshme.
