Fatmir Tarellari vrau kunatin e tij, Erjon Pelivani pasi i kishte përdhunuar të bijën kur ajo ishte 9 vjeç
Shtetasi 50-vjeçar shqiptar, Fatmir Tarellari nga Poliçani, akuzohet për vrasjen e kunatit të tij 33-vjeçar Erjon Pelivani, të cilin e qëlloi për vdekje. 51-vjeçari u bind nga vajza e tij se kunati i tij 33-vjeçar ishte ai që e përdhunoi kur ajo ishte një vajzë e vogël.
Teksa së fundmi u raportua se përdhunimi nuk kishte ndodhur, sot në “Shqipëria Live”, kushëriri i Tarellarit i ka hedhur poshtë këto deklarata. Ai tha se në fakt përdhunimi ka ndodhur dhe se njerka e vajzës, pra gruaja e dytë e Fatmir Terallarit me të cilën ai ishte martuar pasi kishte ndërruar jetë nëna e vajzës, e kishte parë të gjithë ngjarjen.
Sipas Tares, ajo ka heshtur për 12 vite, ndërsa sa i përket pistës së falsifikimit të mëesazheve, ai tha se nuk është e vërtetë. Tare shpjegoi se është vetëm një mesazh, që nuk ndikon në çështje.
“Mos e vrisni sërish atë familje, sepse është familje e nderuar. Unë kam qenë në gjyq në Larisa për 48 orë dhe gjyqi ka përfunduar. Më datën 9 kam qenë në sallën e gjyqit. Gjyqi ka përfunduar më datën 10, në orën 5 pasdite. Kushëriri im është dënuar me 14 vite burg për krimin që kreu. Ka marrë dënimin e merituar. Por në asnjë moment nuk ka thënë që vajza nuk është përdhunuar nga ai përbindësh.
Vajza është përdhunuar, Fatmiri e ka vrarë, ka bërë gabim dhe ka marrë dënimin e merituar. Flitet vetëm një mesazh, i shkëmbyer vetëm 3 ditë parasë të ndodhte vrasja. Abuzimi ka nisur shumë vite më parë para krimit. Nëna e vajzës e ka parë kur ka ndodhur përdhunimi dhe ka folur me vëllain e saj. Kur them nëna, e kam fjalën njerka. E ka parë kur e ka përdhunuar 12 vite më parë, kur ajo ishte 9 vjeç. Nuk di si t’i shpreh ato dëshmi që kemi dëgjuar atje.
Kemi të bëjmë me sindromën e Stokholmit. Ishte një mesazh i izoluar dhe hetuesit në fillim nuk morën aspak parasysh këtë mesazh.
Unë kam bërë një tentativë për të folur me vëllain e Pelivanit, por nuk kam mundur. Vajza e Fatmirit nga ana tjetër, është shumë e ngarkuar. Edhe Fatmiri kur ka bërë krimin ka qenë i ngarkuar. Ai e ka trajtuar si vëlla Pelivanin. Edhe nusja e Fatmirit e ka mbajtur të fshehtë për 12 vite këtë ngjarje. Fatmiri ka thënë në sallën e gjyqit se njerka nuk e trajtonte njësoj vajzën por ajo nuk ka ngritur zërin që t’i krijonte probleme Fatmirit.”– tha ai.
