Një tjetër sulm izraelit në Gaza ka kthyer në rrënoja një ndërtesë 15 katëshe që funksiononte për strehimin e palstinezëve të zhvendosur nga zona të tjera të dëmtuara nga lufta.
Al-Sussi Toëer, sipas Forcave Izrelite të Mbrojtjes (IDF), përdorej nga organizata terroriste e Hamasit. Ministri i Mbrojtjes së Izraelit, Israel Katz, publikoi në rrjetin social “X” momentin e shembjes së ndërtesës gjigande ndërsh shkroi: Po vazhdojnë.
Përpara se të sulmonin, ushtria izrelite lëshoi një paralajmërim për të gjithë banorët e asaj zone për tu zhvendosur drejt një pikë humanitare në jug të qytetit, ku ndodhen dhe spitale e ku shpërndahen furnizime si uji, ushqime e produkte mjekësore.
Komuniteti ndërkombëtar, përfshirë OKB-në, ka paralajmëruar për një katastrofë humanitare, me rreth një milion njerëz në qytet dhe rrethinat e tij. Shumë palestinezë kanë deklaruar për AFP se nuk ekziston një vend i sigurt në Gaza dhe se nuk duan të zhvendosen përsëri.
Ndërkohë, ushtria izraelite ka avancuar në qytet duke përdorur sulme të rënda, ndërsa qeveria e Benjamin Netanyahu ka urdhëruar marrjen e kontrollit të qytetit, pavarësisht paralajmërimeve për rreziqet humanitare.
