Në një operacion spektakolar inxhinierik, Kina ka arritur të ndërtojë një urë të re dhe të shkatërrojë në mënyrë të sinkronizuar urën e vjetër, duke vendosur një standard të ri në fushën e infrastrukturës.
Pamjet tregojnë momentin kur ura e re hapet për qarkullimin, ndërsa në të njëjtën kohë, ura e vjetër shpërthen.
Ky projekt është cilësuar si një “mrekulli inxhinierike” dhe një “rekord botëror” për zëvendësimin perfekt të një ure, proces që zakonisht zgjat javë ose muaj. Operacioni është zhvilluar me një precizion të jashtëzakonshëm, duke garantuar siguri maksimale dhe ndërprerje minimale të trafikut.
