Vranësirat, reshjet e shiut dhe të dëborët do të jenë prezente dhe këtë fundjavë në territorin shqiptar.
Kryesisht gjatë ditës së sotme, vendi do të ndikohet nga masa të ftohta ajrore ç’ka do të sjellin rënie të ndjeshme të temperaturave.
Në pjesën më të madhe të tërritorit do të ketë vranësira që do të sjellin reshje të buta të shiut në ultërsirën perëndimore ndërsa zonat malore do të preken nga reshjet e imëta të dëborës.
Temperaturat e ajrit do të pësojnë rënie si në vlerat minimale edhe ato maksimale duke luhatur vlerat ditore nga 0°C vlera minimale e shënuar në zonat verilindore deri në 17°C vlera maksimale e cila pritet në Jugperëndim të territorit.
Era do të fryjë mesatare deri e fortë si në tokë dhe në det me shpejtësi mbi 45 km/h nga drejtimi veriperëndimor; duke krijuar në brigjet detare dallgëzim mbi 2 ballë.
