Në Bruksel është hedhur shorti i edicionit të ri të UEFA Nations League, ku Kombëtarja shqiptare është vendosur në Grupin C1. Kuqezinjtë do të përballen me Finlandën, Bjellorusinë dhe San Marinon në fazën e grupeve.
Rrugëtimi i Shqipërisë në këtë kompeticion do të nisë në shtator 2026. Takimi i parë është planifikuar në periudhën 24-26 shtator, ndërsa ndeshja e dytë do të luhet më 27-29 shtator.
Më pas, sfida e tretë është parashikuar nga 30 shtatori deri më 3 tetor, ndërsa e katërta në datat 4-6 tetor. Dy përballjet e fundit të grupit do të zhvillohen në nëntor, fillimisht më 12-14 nëntor dhe më pas në periudhën 15-17 nëntor.
Orari dhe kalendari i detajuar i ndeshjeve do të publikohet në vijim.
