Një ngjarje e paprecedent është regjistruar në Kuçovë, ku 40-vjeçarja Elona Bregu ka hipur në një vinç duke deklaruar se do të hidhet nëse nuk rikthehet në punë.
Sipas saj, ajo është larguar nga puna dhe prej dy muajsh nuk ka marrë pagën. Elona punonte në firmën e pastrimti në Kuçovë.
Një prej punonjësve të pushuara shprehet se ajo dhe dy kolege të tjera janë larguar nga puna pasi kishin shkuar në bashki për të kërkuar informacion lidhur me pagat e prapambetura.
“Nuk na kanë dhënë rrogën dhe na kanë hequr nga puna. Tre veta, të tre ne që ishim në bashki. Shefi ynë na i preu shkurt: ‘Ju kanë hequr nga puna se keni shkuar në bashki’. Ne në bashki as kemi sharë, as kemi gjuajtur me gurë. Një fjalë kemi thënë: ‘Çfarë po bëhet me rrogat tona?’ Kaq. ‘Pse keni shkuar në bashki?’”, shprehet një prej punonjëseve.
Sipas tyre, katër punonjës të tjerë janë larguar nga puna edhe katër muaj më parë.
