Armand Spahiu është 35 vjeçari, i cili si shumë persoan të tjerë, është ndodhur në momentin e gabuar në vendin e gabuar. Ai mbeti i plagosur pas një atentati të ndodhur në Çole të Vlorës ku shënjestër ishte 30 vjeçari Kevin Hajrulla.
Për fat të mirë lëndimet që Armand Spahiu mori në trup nuk ishin fatale për jetën. Në ato momente kur një breshëri pulmash është derdhur në drejtim të Hajrullës, 35 vjeçari ishte duke punuar si çdo ditë shitës fruta perimesh në lagjen Çole.
Në një intervistë për mediat, ai tregon se fillimisht mendoi se ishin fishekzjarre. Armandi tregon se është shtrirrë barkas dhe nuk ka parë asgjë se çfarë ka ndodhur. Kur krismat mbaruan, Ai thotë se është ngritur në këmbë, është ka marrë një bidon me ujë dhe më pas është ulur në një vend për tu qetësuar.Në fillim ai nuk e kishte vërë re që ishte plagosur më pas ka parë që kishte plagë në trup. Armand Spahiu tregon se është dërguar drjt spitalit për të marrë ndihmë mjekësore nga dy oficerë të policisë.
“Unë isha në punën time. Nuk mora vesh asgjë ca ndodhi. unë mendova se ishin fishekzjarre. Pastaj u shtriva në shesh. Kur mbaruan krismat, u ngrita në këmbë, mora një bidon ujë dhe u ula të qetësohesha.Kur u ula pash që isha plagosur. Mora në telefon një efektiv policie dhe i thash që isha plagosur. Më morën me makinë policie e më çuan për mjekim. Në fillim unë mendova se ishin fishekzjarre. Plagosjen nuk e ndjeva në fillim, pas 10 minutash e ndjeva”,tha Spahiu.
Objektiv i atentatit të ndodhur në mbrëmjen e 18 dhjetorit, ka qenë 30-vjeçari Kevin Hajrulla, një emër i njohur për policinë, ndërsa ka mbetur i plagosur aksidentalisht edhe Armand Spahiu, një djalë që po shiste fruta dhe perime pranë vendit të ngjarjes.
Në drejtim të automjetit ku ndodhej 30-vjeçari Kevin Hajrulla është qëllua me 30 plumba. Dyshohet s autorët që kanë qëlluar me breshëri plumbash kanë qenë dy.Sipas dëshmitarëve okularë, momenti pas të shtënave ishte kaotik. Në pamje e bëra publike në media, shihet se si i plagosuri Kevin Hajrulla, i mbuluar me gjak dhe në gjendje të rënduar, futet me vështirësi në një makinë nga të afërmit që përpiqeshin ta transportonin drejt spitalit. Dëgjohet zëri i një personi që thotë: “Iku ore, iku”.
Atentati ka ndodhur në një kryqëzim të populluar të lagjes Çole, ku drejt një automjeti të parkuar, që dyshohet se i përkiste Kevin Hajrullës, u qëllua me breshëri plumbash nga një automjet tjetër në lëvizje.
Pas atentatit, policia ka gjetur një automjet të djegur në fshatin Panaja, i cili dyshohet se është përdorur nga autorët për të realizuar sulmin dhe më pas për t’u larguar.
Forcat e rendit kanë rrethuar vendngjarjen dhe kanë nisur hetimet për zbardhjen e motiveve të atentatit. Pistat kryesore përqendrohen në konfliktet e mëparshme të Kevin Hajrullës, i cili është kushëriri i Inez Hajrulla, i njohur ndryshe si “i forti i Vlorës”.
