Kostandin Ziu, i riu që u plagos me thikë mbrëmjen e sotme në Korçë, po transportohet me ambulancë drejt spitalit të Tiranës për trajtim më të specializuar.
Sipas policisë, plagosja ka ndodhur në lagjen 10 të qytetit të Korçës, dhe grupi hetimor po kryen veprime në një mjet tip “Renault Clio”, ku dyshohet se ka ndodhur edhe konflikti. Policia ka kontrolluar deri tani të gjitha ambientet e lagjes 10 dhe po punon për të identifikuar autorin e plagosjes.
Sipas mjekëve, gjendja e 26-vjeçarit është stabile dhe jashtë rrezikut për jetën, por për shkak të plagës në pjesën e pasme të qafës, ka kërkuar ndërhyrje më të specializuar.
