Një shqiptar është arrestuar nga policia italiane dhe një tjetër është shpallur në Kërkim. Sipas mediave vendase 22-vjeçari shqiptar u arrestua nga karabinierët gjatë një kontrolli në Viale Centurini, ndërsa tjetjri u shpall në kërkim, pasi i shpëtoi arrestimit.
I riu me precedentë penalë, u ndalua ndërsa drejtonte një fuoristradë me qira dhe autoritetet kryen një kontroll në automjetin dhe trupin e tij, ku u gjetën 23 pako me kokainë dhe tre me kanabis, së bashku me një mijë euro para të gatshme nga trafiku i drogës.
22-vjeçari iu nënshtrua gjithashtu një testi droge, i cili rezultoi pozitiv. Më pas ai u akuzua për drejtim mjeti nën ndikimin e narkotikëve dhe iu hoq leja e drejtimit të mjetit. Më herët, karabinierët kishin ndaluar një automjet, që u gjet po i marrë me qira, në Via del Centenario. Shoferi ishte një tjetër shqiptar 19-vjeçar pa precedentë penalë, gjithashtu në Itali me vizë turistike, informon media italiane.
