Një 23-vjeçar shqiptar, Hekuran Cumani, u vra me thikë në parkingun e departamentit të Matematikës dhe Informatikës të Universitetit të Perugias në Itali. I riu u godit me thikë në gjoks dhe fyt, plagë që i shkaktuan vdekjen e menjëhershme, rreth orës 4 e 30 të mëngjesit, në parkingun në Via Luigi Vanvitelli, ku më parë ishte raportuar një sherr mes një grupi personash.
Policia italiane po punon për të rindërtuar ngjarjen dhe për të përcaktuar shkaqet e vrasjes. Hetuesit dyshojnë se motivi mund të jetë hakmarrja, pas një sherri që i riu mund të jetë përfshirë me autorin në lokal gjatë mbrëmjes, pranë universitetit. Ai dyshohet se e ka ofenduar dhe më pas i riu është hakmarrë duke e vrarë me thikë, pas një sherri mes dy grupe të rinjsh.
I riu kishte shkuar në Perugia së bashku me disa miq për të kaluar mbrëmjen. Grupi i tij u takua me një tjetër grup të rinjsh, me të cilët nisi një debat. Nga fjalët, situata degjeneroi në konflikt fizik, që përfundoi me goditjen fatale me thikë. Hetuesit kanë marrë në pyetje të gjithë miqtë e viktimës që ishin të pranishëm në momentin e sulmit. Pas një nate të kaluar nëpër lokale me shokët, 23-vjeçari mbeti i vdekur te“110 Caffè”.
Hekurani ishte me origjinë italo-shqiptare, por jetonte në Fabriano, në rajonin e Markes.
