rupi i gjendur i pajetë në trafikndarësen e autostradës “Milot-Thumanë”, në fshatin Shullaz, mëngjesin e sotëm është identifikuar si 49-vjeçari me inicialet E. N. Policia ka dalë me një njoftim lidhur me rastin ku thotë se nga veprimet paraprake dyshohet se ky person e ka humbur jetën para disa muajsh, si pasojë e një aksidenti rrugor. Ndërkohë, grupi hetimor, në drejtimin e Prokurorisë, po punon për dokumentimin e shkakut të vdekjes.
Njoftimi:
Kurbin/Informacion paraprak
Rreth orës 08:50, është gjetur në trafikndarësen e autostradës “Milot-Thumanë”, në fshatin Shullaz, një trup njeriu, i dekompozuar. Nga verifikimet paraprake dyshohet se trupi i përket shtetasit E. N., 49 vjeç, banues në Laç. Gjithashtu, nga veprimet paraprake dyshohet se ky shtetas e ka humbur jetën para disa muajsh, si pasojë e një aksidenti rrugor.
Grupi hetimor, në drejtimin e Prokurorisë, po punon për dokumentimin e shkakut të vdekjes së këtij shtetasi.
