Personi që shihni në foto është 57-vjeçari Pjetër Kaza, i cili mëngjesin e kësaj të diele u ekzekutua në oborrin e shtëpisë së tij.
Ngjarja e rëndë u regjistrua në Talë të Lezhës, ku persona ende të paidentifikuar qëlluan me armë zjarri në drejtim të 57-vjeçarit, i cili fakteqësisht si pasojë e plumbave humbi jetën në vendin e ngjarjes.
Siç dhe raportuam më herët autorët e kishin pritur Kazën të kthehej në shtëpi dhe teksa ishte duke parkuar automjetin në oborrin e shtëpisë së tij ata e kanë qëlluar.
Ishin familjarët ata të cilët e gjetën trupin e pajetë të 57-vjeçarit dhe menjëherë njoftuar policinë. Deri më tani dyshohet se kjo ngjarje të ketë ardhur si pasojë e një hakmarrje të mundshme.
Burime për mediat bëjnë me dije se kjo nuk është tragjedia e parë në familjen Kaza pasi viktima e sotme rezulton të jetë vëllai i Agustin Kazës, i cili një vit më parë, 28 prill 2024 u ekzekutua në Belgjikë.
44-vjeçari ishte duke pirë kafe në një lokal shqiptarësh në rrugën Joseph Brand, në Schaerbeek, kur u qëllua disa herë në kokë dhe kraharor.
Hakmarrja në familjen Kaza ka qenë e hershme. Mësohet se prej vitesh ata kanë pasur një gjakmarrje të hapur me familjen Gjini, pasi më 7 janar të vitit 1994 në qytetin e Rrëshenit u vra shefi i Krimeve, Ndue Kaza. Ai dyshohet se u qëllua me armë zjarri në mes të qytetit nga Dod Gjini dhe Augustin Gjini, të cilët pas ngjarjes u arratisën.
Ndërkohë që tre vite më vonë, më 1997, shtetasi Martin Kaza, vrau për hakmarrje në qytetin e Laçit vëllezërit Dod Gjini dhe Augustin Gjini, të cilët kanë qenë autorët e dyshuar të vrasjes se vëllait të tij në vitin 1994.
Si nisi hakmarrja mes fisit Kaza dhe Gjini
Më datë 7 Janar të vitit 1994 qyteti i Rrëshenit u trondit nga vrasja e Shefit të Krimeve, Ndue Kaza. Ai dyshohet se u qëllua me armë zjarri në mes të qytetit nga Dod Gjini dhe Augustin Gjini, të cilët pas ngjarjes u arratisën.
Në vitin 1997, shtetasi Martin Kaza ka vrarë për hakmarrje në qytetin e Laçit, vëllezërit Dod Gjini dhe Augustin Gjini, të cilët kanë qenë autorët e dyshuar të vrasjes se vëllait të tij në vitin 1994.
Martin Kaza është dënuar për vrasjen me 22 vite burg për veprat penale ”Vrasja me paramendim, e kryer në bashkëpunim” si dhe “Armëmbajtje pa leje”.
Kaza u arrestua në Londër, ndërsa në vitin 2017 u ekstradua dhe vijon të kryej dënimin në Shqipëri.
Edhe pse Marti Kaza ndodhet në burg, kjo nuk e ka ndalur gjakun mes fiseve. Pas vrasjes së Agustin Kazës, shënjestra e fundit ka qenë vëllai i tij, Pjetër Kaza. Ky i fundit u ekzekutua gjatë orëve të para të mëngjesit të kësaj të diele në oborrin e banesës së tij.
Ai punonte në minierën e Spaçit dhe rreth orës 01:00 ka qene duke u kryer në shtëpi ku dhe është qëlluar. Fatkeqësisht 57-vjeçari humbi jetën në vendin e ngjarjes, ndërsa u gjet pa shenja jete sot në mëngjes nga bashoshortja.
