Brian Hooper kaloi gati 30 vite në burg për një vrasje që nuk e kishte kryer, por e vërteta më në fund doli në pah falë rrëfimit të një gruaje, e cila këtë vit pranoi fajësinë për krimin.
Hooper u lirua të enjten, pasi kishte kaluar 27 vite në një burg në Colorado, për një vrasje që në fakt ishte kryer nga një grua, e cila e kishte fajësuar atë.
Në vitin 1998, një juri e shpalli fajtor Hooper-in për vrasjen e 77-vjeçares Ann Prazniak.
Policia gjeti trupin e Prazniak në prill të vitit 1998, të fshehur në një kuti kartoni brenda një dollapi në apartamentin e saj në Minneapolis. Trupi ishte mbështjellë me qese plehrash, batanije dhe çarçafë.
Dënimi i Hooper-it, i cili u dënua me tre burgime të përjetshme, u bazua në dëshminë e një gruaje. Megjithatë, gjatë shqyrtimit të një ankese që ai kishte bërë, autoritetet kuptuan se disa prova në fakt dëshmonin pafajësinë e tij, ndërsa shumë dëshmitarë të tjerë të çështjes i tërhoqën dëshmitë e tyre.
Në fund, gruaja që kishte qenë dëshmitare kyçe në gjyqin e Brian Hooper-it pranoi se ajo kishte kryer vrasjen dhe kishte fshehur trupin e viktimës. Ajo ndodhet tani në një burg në Georgia.
Hooper u ribashkua me fëmijët e tij dhe planifikon të vendoset në zonën ku ata jetojnë.
