Rei Manaj sulmuesi i kombëtares së futbolli, ka kaluar një situatë të vështirë këtë të diel, pasi një përplasje në minutat e para të ndeshjes ndërmjet Sivaspor dhe Goztepe e la pa ndjenja në fushë, pas një goditjeje në kokë.
Lojtari u dërgua me ambulancë në spital, dhe për fat të mirë, gjendja e tij është stabilizuar. Mjekët e kanë këshilluar që të kalojë natën në spital për mbikëqyrje të vazhdueshme, për të shmangur çdo mundësi për ndonjë komplikacion.
Megjithatë, Manaj është tashmë i fokusuar në rikthimin e tij në fushë, siç e tregoi edhe gjatë një bisede me trajnerin Riza Çalimbaj. Futbollisti foli vetë për situatën e tij dhe parashikimin e mjekëve.
“Pushim 2-3 ditë dhe pastaj stërvitje normale. Shihemi pas 2-3 ditësh,” i premton ai trajnerit të tij, duke theksuar dëshirën për t’u rikthyer sa më shpejt në fushë.
