Një avion Airbus A321neo i Wizz Air Malta që po kryente një fluturim nga Barcelona drejt Varshavës është detyruar të kthehet pas pak minutash në ajër për shkak të raportimeve për tym në kabinë.
Incidenti ndodhi më 20 shkurt 2026, kur avioni i regjistruar me numrin 9H WMI, që operonte fluturimin W6 1476, kishte në bord 239 persona.
Sipas të dhënave të fluturimit, avuoni arriti lartësinë e fluturimit 34 mijë feet kur ekuipazhi evidentoi praninë e tymit në kabinë dhe vendosi të kthehej menjëherë në aeroportin e nisjes.
Avioni u ul në mënyrë të sigurt në pistën 24R rreth 45 minuta pas ngritjes. Nuk u raportuan të lënduar dhe pasagjerët zbritën normalisht pasi avioni u parkua në portë.
Avioni qëndroi në tokë në Barcelonë për më shumë se 11 orë, çka tregon se janë kryer kontrolle teknike dhe verifikime të detajuara për të përcaktuar shkakun e incidentit.
Kompania ajrore nuk ka bërë publik deri tani shkakun e tymit. Wizz Air njihet si një kompani që i mungon transparenca në raste incidentesh të ngjashme. Në të njëjtën mënyrë është sjellë edhe për një incident me pasagjerë shqiptarë.
Për të përfunduar itinerarin, Wizz Air organizoi një avion zëvendësues, një tjetër Airbus A321neo me regjistrim 9H WNN. Fluturimi drejt Varshavës u realizua me një vonesë rreth tetë orë.
