Mbrëmjen e djeshme një çift irlandez kaë bërë një gjest human duke dorëzuar në komisariatin e Shkodrës një shumë të madhe parash të gjetura.
Çifti irlandez K. S., 42 vjeç dhe bashkëshortja e tij kanë dorëzuar 41 400 euro ndërsa deklaruan se i kanë gjetur para dy ditësh pranë një supermarketi në Durrës.
“Mbrëmjen e djeshme, në ambientet e Drejtorisë Vendore të Policisë Shkodër, janë paraqitur një çift irlandez, i cili ka dorëzuar një shumë vlerash monetare prej 41 400 eurosh.
Shtetasi K. S., 42 vjeç, dhe bashkëshortja e tij, shtetasja K. K., kanë deklaruar se shumën prej 41 400 eurosh e kanë gjetur më datë 26.03.2025, rreth orës 15:30, në afërsi të një supermarketi, në lagjen nr 13, Durrës.
Me veprimet e metejshme do të merret Drejtoria Vendore e Policië Durrës.”
