Presidenti amerikan Donald Trump ka fajësuar Volodymyr Zelenskyn për “lejimin” e fillimit të luftës me Rusinë, duke e sulmuar sërish në një postim në rrjetet sociale.
Trump tha se homologu i tij ukrainas dhe Joe Biden, ish-presidenti amerikan, “bënë një punë absolutisht të tmerrshme” për të parandaluar konfliktin midis Kievit dhe Moskës dhe bënë thirrje për një fund të shpejtë të luftës.
“Presidenti Zelenskyy dhe Joe Biden i pandershëm bënë një punë absolutisht të tmerrshme duke lejuar që kjo parodi të fillonte. Kishte kaq shumë mënyra për ta parandaluar atë të fillonte ndonjëherë. Por kjo është e kaluara. Tani duhet ta ndalojmë, DHE SHPEJT”, tha Trump në rrjetin social “Truth Social”.
Komentet e tij vijnë një muaj pasi dy udhëheqësit u përplasën ashpër në Zyrën Ovale.
Vetëm një ditë më parë, Trump tha se sulmi i Rusisë me raketa në zemër të qytetit ukrainas Sumy, që la të vrarë mbi 30 civilë, ishte një gabim në llogaritjen e shënjestrës.
