Presidenti i SHBA-së, Donald Trump, njoftoi të shtunën një armëpushim midis Indisë dhe Pakistanit. Në një mesazh në platformën Truth Social, ai tha se pas një nate të gjatë bisedimesh të ndërmjetësuara nga Shtetet e Bashkuara, ishte i kënaqur të njoftonte se India dhe Pakistani kanë rënë dakord për një armëpushim të plotë.
“Urime të dy vendeve për përdorimin e logjikës së shëndoshë dhe inteligjencës së jashtëzakonshme. Faleminderit për vëmendjen tuaj ndaj kësaj çështjeje!” shtoi ai.
Postimi i Trump erdhi disa orë pas përshkallëzimit të situatës me sulme ndaj objektivave ushtarake nga të dyja palët, me njërën palë që akuzonte tjetrën për përgjegjësi.
