Presidenti Donald Trump nënshkroi sot një urdhër ekzekutiv që nis procesin e shkrirjes së Departamentit të Arsimit. Gjatë nënshkrimit, ai ishte rrethuar nga fëmijë të vegjël, të cilët ishin ulur në tavolinat e tyre në Shtëpinë e Bardhë dhe po nënshkruanin letra të vendosura në dosje.
Pasi përfunduan nënshkrimin, fëmijët ngritën dosjet e tyre, ashtu siç bëri edhe presidenti.
Trump i tha Sekretares së Arsimit, Linda McMahon, se ajo po drejtonte një iniciativë të rëndësishme dhe se, kur të përfundojë me këtë proces, ai do të gjente një tjetër detyrë për të.
“Po bën një punë fantastike. Shpresojmë që nuk do të jesh atje për shumë kohë, por ne do të gjejmë diçka tjetër për ty, Linda,” tha Trump.
Vendimi për të çmontuar Departamentin e Arsimit nuk ishte një surprizë, pasi Trump kishte paralajmëruar këtë gjatë ditës së inaugurimit të tij, duke theksuar se do të realizohej në një moment të caktuar.
