Presidenti amerikan Donald Trump ka shprehur synimin për të zgjeruar tarifat tregtare edhe ndaj gjigantit teknologjik Samsung, duke theksuar se masat nuk do të kufizohen vetëm ndaj Apple.
Në deklaratat e dhëna nga Zyra Ovale të premten, Trump tha se tarifa prej 25% që pritet të aplikohet për produktet e Apple do të zgjerohet edhe për prodhues të tjerë të telefonave inteligjentë, përfshirë Samsung.
Kur u pyet nëse këto tarifa mund t’i japin përparësi konkurruese Samsungut, Trump u shpreh i prerë se të njëjtat masa do të vlejnë edhe për këtë kompani koreano-jugore.
Ndërkohë, presidenti amerikan paralajmëroi gjithashtu mundësinë e vendosjes së tarifave deri në 50% ndaj Bashkimit Evropian në rast se nuk arrihet një marrëveshje tregtare me SHBA-në.
“Nuk po kërkoj një marrëveshje, ne tashmë e kemi atë. Dhe është në 50%,” tha ai, duke treguar vendosmërinë për të ndjekur këtë kurs. Tarifat ndaj BE-së pritet të hyjnë në fuqi më 1 qershor.
