Në orët e fundit, një lajm i rremë ka përfshirë mediat sociale, kur hashtag-u #TrumpKaVdekur filloi të përhapet me shpejtësi në platformën X (ish-Twitter). Ky mashtrim ka marrë vëmendje të madhe, për shkak të disa faktorëve që e ndihmuan të qarkullojë lehtë.
Spekulimet mbi vdekjen e presidentit Donald Trump u ndezën nga disa ngjarje të fundit. Një nga arsyet ishte mungesa e tij në disa aktivitete publike të rëndësishme. Gjithashtu, një intervistë e JD Vance, zëvendëspresidentit, u keqinterpretua si një përgatitje për t’u marrë me çfarëdo ngjarjeje të mundshme tragjike. Një mavijosje e dukshme në dorën e Trump gjithashtu nxiti diskutime të shumta në rrjet, ndërsa teoritë konspirative lidheshin me një episod të serialit “The Simpsons”, i cili kishte “parashikuar” vdekjen e tij.
JD Vance, gjatë një interviste për USA Today, u shpreh se “Presidenti është në shëndet të jashtëzakonshëm” dhe nëse do të ndodhnin ndonjë tragjedi, ai ndiheshte i përgatitur. Kjo fjali u interpretua gabimisht nga disa përdorues të rrjeteve sociale, duke nxitur më tej thashethemet.
Mavijosja në dorën e presidentit, shkaktuar nga një gjendje beninje, u sqarua nga Shtëpia e Bardhë, e cila theksoi se kjo lidhej me shtrëngimet e zakonshme të duarve me figura publike.
Një detaj i çuditshëm që nxiti spekulime ishte rritja e porosive të picave pranë Pentagonit, që disa e konsideruan si një shenjë të ndodhisë së ndonjë krize të madhe. Teoritë e konspiracionit për këtë temë përsëri erdhën në vëmendje për shkak të historisë së gjatë të lidhjeve mes krizave dhe shpërthimeve të porosive të picave, një ide që kishte qenë e njohur që nga Lufta e Ftohtë.
Ky rast tregon se sa lehtë shpërndahen dezinformatat në epokën e mediave sociale dhe se si një kombinim i faktorëve mund të krijojë spekulime të mëdha, veçanërisht kur ndodhet në qendër një figurë kaq kontestuese si Trump.
