Presidenti i SHBA, Donald Trump, gjatë mbledhjes së tij të parë të kabinetit, deklaroi se kishte vendosur të caktonte tarifa prej 25% për importet nga BE.
“Kemi marrë një vendim dhe do ta shpallim shumë shpejt. Do të jetë 25 për qind”, tha presidenti amerikan gjatë takimit, ndërsa shtoi se “blloku evropian u formua për të prishur Shtetet e Bashkuara”.
Trump tha se taksat do të aplikoheshin për të gjithë dhe për gjithçka, megjithëse ai përmendi në mënyrë specifike se ato do të goditnin importet e makinave.
Kur u pyet për mundësinë që evropianët të përgjigjen ndaj këtyre tarifave, Donald Trump tha se “ata nuk mund të bëjnë asgjë. Ata do të përpiqen, por nuk munden. Kthimi nuk do të jetë i suksesshëm sepse edhe ne do të jemi indiferentë dhe nuk do të blejmë asgjë. Nëse kjo ndodh, ne do të fitojmë”.
“Financial Times” shkruan se vlera e Euros ra pak pas komenteve të Trump, duke u tregtuar 0.2 për qind më ulët ndaj dollarit.
