Presidenti amerikan Donald Trump, gjatë njoftimit të masave të reja për shtimin e sanksioneve ndaj Iranit, bëri një deklaratë të papritur. Nga Zyra Ovale, ai tha se kishte lënë udhëzime që, në rast se Irani tenton ta vrasë, vendi do të asgjësohet.
“Kam dhënë udhëzime: Nëse e bëjnë këtë, ata do të asgjësohen, dhe nuk do të mbetet asgjë nga ai vend!” deklaroi Trump.
Në Nëntor, Departamenti i Drejtësisë njoftoi se kishte zbuluar dhe shkatërruar një komplot iranian për të vrarë Trump para zgjedhjeve presidenciale.
Sa i përket urdhrit ekzekutiv të Trump ndaj Teheranit, ai tha se ky vendim është marrë për të parandaluar zhvillimin e armëve bërthamore nga Irani, si dhe për të goditur ekonominë e vendit përmes sanksioneve dhe uljes së eksporteve të tij të naftës.
