Beyoncé ka humbur mbi 12 milionë ndjekës në Instagram, ndërsa bashkëshorti i saj, Jay-Z, ka regjistruar një rënie prej më shumë se 100 mijë ndjekësish. Kjo lëvizje vjen pas publikimit të dokumenteve të reja nga Departamenti Amerikan i Drejtësisë.
Humbja e ndjekësve lidhet me përmendjen e emrit të Jay-Z në dokumente që kanë të bëjnë me Jeffrey Epstein.
Në to përfshihet një deklaratë e paprovuar e një gruaje, e cila pretendon se është sulmuar seksualisht nga Harvey Weinstein në rezidencën e Epstein në Florida, ndërsa Jay-Z thuhet se ka qenë i pranishëm.
Gruaja, identiteti i së cilës mbetet anonim, flet për një incident të dyshuar në vitin 1996.
Ajo pretendon se ishte rrëmbyer dhe u zgjua në praninë e Weinstein dhe Jay-Z. Megjithatë, këto deklarata nuk janë verifikuar dhe nuk përbëjnë prova penale.
Dokumentet nuk përmbajnë akuza të drejtpërdrejta ndaj Jay-Z dhe përmendja e emrit të tij nuk nënkupton fajësi apo përgjegjësi ligjore.
Pavarësisht kësaj, reagimet në rrjetet sociale kanë qenë të shumta, me fokus të veçantë në ndikimin e mundshëm të këtyre pretendimeve në reputacionin e Jay-Z. Disa figura publike dhe marka thuhet se kanë hequr ndjekjen nga llogaria e tij.
Aktualisht, Jay-Z numëron rreth 1 milion ndjekës në Instagram. Ndërkohë, disa miq dhe bashkëpunëtorë të njohur, si Beyoncé, Lindsay Lohan, Diddy, Ivanka Trump dhe Kris Jenner, vijojnë ta ndjekin atë.
Ka spekulime se Kim Kardashian, Rihanna, si dhe platforma të mëdha si Apple Music dhe NFL, mund të kenë hequr ndjekjen. Megjithatë, nuk ka konfirmim nëse këto llogari e ndiqnin më parë Jay-Z dhe nëse veprimi lidhet drejtpërdrejt me publikimin e dokumenteve.
Deri në këtë moment, as Jay-Z dhe as Beyoncé nuk kanë reaguar publikisht lidhur me dokumentet, akuzat e përmendura apo humbjen e ndjekësve në rrjetet sociale.
