Një i ri 23-vjeçar është gjendur i vdekur në ambientet e konviktit të shkollës private “Kryqi i Nderuar” në Gjirokastër.
Fillimisht i riu është gjendur nga shokët e tij të dhomës, të cilët kanë menduar se ai ishte duke fjetur por më pas kur e kanë parë pa shenja jete, kanë njoftuar menjëherë autoritetet e shkollës që ndodhen pranë Katedrales Ortodokse “Lindja e Krishtit”.
Në vendin e ngjarjes ka mbërritur menjëherë policia ndërsa pranë të riut janë gjendur disa ilaçe që dyshohet se 23-vjeçari mund t’i ketë konsumuar tej normës.
