Meksika vijon të përballet me dhunë të egër dhe atentate ndaj politikanëve, këtë herë në Jalisco – një nga shtetet më të rrezikshme të vendit. Jose Luis Pereira, anëtar i lartë i bashkisë Teocaltiche, u qëllua për vdekje teksa po darkonte në një restorant me prodhime deti, të hënën pasdite.
Ngjarja ndodhi rreth orës 17:00, ndërsa autoritetet raportuan se në vendin e ngjarjes mbërritën forcat policore dhe ndihma mjekësore, por zyrtari kishte ndërruar jetë në vend.
📍 Vrasja e Pereiras vjen në një klimë të rënduar pasigurie në Jalisco, ku vetëm pak ditë më parë u vranë një nënë dhe djali i saj, ndërsa kërkonin familjarët e zhdukur. Më herët këtë muaj, shefi i policisë së qytetit u ekzekutua, ndërsa në shkurt u gjetën të copëtuar katër oficerë policie të zhdukur, pas një rrëmbimi masiv të tetë policëve dhe shoferit të tyre.
Shteti i Jalisços është bastion i kartelit të fuqishëm “Jalisco Neë Generation”, të shpallur organizatë terroriste nga SHBA në vitin 2025. Qeveria shtetërore ka marrë kontrollin e plotë të policisë lokale në Teocaltiche, duke e akuzuar për lidhje me grupet kriminale.
🩸 Në gjithë Meksikën, dhuna ndaj politikanëve është kthyer në “normalitet të përgjakshëm”: nga kryebashkiakë të vrarë në mes të rrugës, te zyrtarë të masakruar dhe gazetarë të eliminuar. Me mbi 480 mijë vrasje në 19 vitet e fundit dhe më shumë se 124 mijë persona të zhdukur, vendi është përfshirë në një krizë të thellë sigurie.
🟥 Politikanë, gazetarë, qytetarë të zakonshëm – askush nuk është i paprekshëm në Meksikën që kontrollohet gjithnjë e më pak nga shteti, dhe gjithnjë e më shumë nga krimi.
