Trajneri i skuadres së Dinamo U-15 ku luante 14-vjecari që humbi jetën ditën e djeshme pranë shkollës “Fan Noli”, tregon mes dhimbjes se Martin Cani ishte djalë shembullor.
I tronditur nga ngjarja ai tregon se 14-vjeçari një ditë më parë kishte marrë pjesë në ndeshje, ndërsa mes dhimbjes dhe lotësh trajneri tregon momentin kur ka marrë vesh për lajmin që Martini ka humbur jetën dhe Luisi, djali tjetër kishte mbetur i plagosur.
“Një humbje e madhe për familjen, për mua si trajner dhe për akademinë. Ka qenë një nga lojtarët…humori i ekipit, dhimbje e madhe për të gjithë ne, sidomos për familjen dhe ne akademikët, Dje i kisha në ndeshje këta çunat, humorista, ça të them, humbje e madhe.
Ne si mësues mundohemi ti edukojmë edhe në sport. Kishim lënë stërvitje sot nga liqeni, kur e mora vesh i mblodha djemtë te liqeni dhe u fola se ishin të traumatizuar. Jemi si ekip, Martini ishte si trajner i dytë për mua, Luisi djalë shumë i mirë. Ky ka marrë 4 plagë, po presim të përmendet, ndërsa Martinin e kanë çuar në morg. Ishin të dy lojtarë shumë të mirë, me sjellje të mira. Nuk e di si ka ndodhur, thonë që janë sharë ditën e premte dhe e kanë lënë të takohen të hënën”– u shpreh mes dhimbjes trajneri.
