Një ngjarje tragjike ka ndodhur në fshatin Mjedë, Vaun e Dejës, ku një fëmijë 3-vjeçar ka humbur jetën, ndërsa motra 6-vjeçare është në gjendje të rëndë shëndetësore në spitalin e Tiranës. Fëmija i vogël u dërgua fillimisht në spitalin e Shkodrës dhe pasi mori një serum, u dërgua në shtëpi, por më pas u rikthye në gjendje shumë të rëndë dhe ndërroi jetë brenda pak minutash. Motra e tij gjithashtu u shtrua me simptoma të ngjashme dhe tani është nën kujdesin intensiv në pediatrinë e Tiranës.
Të dy fëmijët dyshohet të kenë vuajtur nga një infeksion të rëndë, por shkaku i vdekjes së 3-vjeçarit dhe sëmundjes së motrës është ende i paqartë. Analizat toksikologjike janë duke u kryer dhe priten përgjigje për të përcaktuar shkakun. Spitali i Shkodrës ka ndjekur të gjitha protokollet, dhe familjarët e dërguan fëmijën në shtëpi pas këshillës mjekësore, por ai u rikthye në spital në gjendje kritike.
Gjendja e nënës, e cila është shtatzënë, nuk është raportuar si e përkeqësuar, pasi ajo nuk është paraqitur në spital.
