Një tjetër fatkeqësi ka tronditur botën e sportit dimëror. Margot Simond, një nga shpresat më të mëdha të skive franceze, ka ndërruar jetë pas një aksidenti tragjik gjatë një seance stërvitore në pistën e Val d’Isère, ku po përgatitej për garën “Red Bull Alpine Park”.
18-vjeçarja, e lindur në Aillons Margériaz në rajonin e Savojës dhe pjesë e klubit “Ski Club Les Saisies”, humbi jetën pas një përplasjeje të rëndë në pistë.
Ekipet e ndihmës së shpejtë ndërhynë menjëherë, por fatkeqësisht nuk arritën ta shpëtonin.
Simond konsiderohej një nga talentet më premtuese të skive në Francë. Ajo ishte kampione kombëtare në kategorinë U18 dhe këtë vit kishte debutuar në Kupën e Europës, duke përfaqësuar vendin e saj edhe në Kampionatin Botëror për të rinj në Tarvisio.
