Tom Doshi ka lënë ambientet e Prokurorisë së Posaçme kundër Korrupsionit dhe Krimit të Organizuar. Jashtë ambienteve të Prokurorisë Doshi ka bërë me dije se është thirrur nga organi i akuzës si person në dijeni.
“Është normale të na thërrasë prokuroria. Kam bërë një takim në Rrogozhinë unë dhe personi që kam takuar ka qenë në përgjim. Kaq, a ke dijeni, pyetën”, tha Doshi, teksa më tej u pyet nga gazetarët nëse do të votojë për shkrirjen e Prokurorisë së Posaçme apo jo.
Kësaj pyetje kreu i Partisë Social-Demokrate u përgjigj në mënyrë kategorike “jo”. Ai theksoi se gjithmonë e ka mbështetur reformën në drejtësi dhe do të vijojë të mbajë të njëjtin qëndrim.
“Asnjëher. E kam mbështetur reformën në drejtësi dhe deputetët tonë edhe sot, edhe në mandatin tjetër do ta mbështesin SPAK”, tha Doshi.
