Një ngjarje e cila mund të kishte përfunduar në një tragjedi katastrofike është regjistruar së fundmi në SHBA. Mediat e huaja bëjnë me dije se motori i një aeroplani pasagjerësh të American Airlindes është përfshirë nga flakët pasi doli nga kursi dhe bëri një ulje emergjente në Danver.
Avioni, një Boeing 737-800, kishte bërë një ulje emergjente pasi kishte pasur probleme me motorin në mes të fluturimit.
Menjëherë pas uljes dhe ndërsa po shkonte drejt portës, një nga motorët e tij mori flakë, duke bërë që pasagjerët të shpëtonin duke u ngjitur në krahët përpara se ekipet e emergjencës të arrinin.
Si pasojë 12 pasagjerë mbetën të lënduar, të cilët menjëherë u dërguan në spital, por fatmirësisht ndodhen jashtë rrezikut për jetën.
Ngjarja ndodhi pak para orës 18:00, kur Fluturimi 1006 i American Airlines, i cili ishte nisur nga aeroporti i Kolorados Springs dhe ishte rrugës për në Aeroportin Ndërkombëtar të Dallas Fort Worth, u detyrua të devijonte për në Denver pasi pilotët vunë re dridhje të motorit.
Boeing mbante 172 pasagjerë dhe 6 anëtarë të ekuipazhit. E teksa autoritetet po punojnë për zbardhjen e plotë të kësaj ngjarje, nëpër rrjet po qarkullojnë pamje të frikshme nga momenti kur avioni përfshihet nga flakët. Gjithashtu, nëpër video shihen pasagjerët teksa ngjiten me nxitim në krahët e avionit për t’i shpëtuar flakëve të cilat po përhapeshin me shpejtësi.
