Real Madridi ka konfirmuar një tjetër goditje për Ferland Mendy, i cili sapo ishte rikthyer në fushë pas dëmtimit të mëparshëm.
Në njoftimin zyrtar, klubi bën të ditur se mbrojtësi francez ka pësuar dëmtim muskulor dhe do të mungojë deri në fund të vitit 2025.
Raporti mjekësor i klubit:
“Pas ekzaminimeve, Ferland Mendy është diagnostikuar me një dëmtim muskulor në biceps femoris të kofshës së djathtë. Rikuperimi i tij do të monitorohet.”
Si pasojë, Mendy do të humbasë të gjitha ndeshjet e mbetura të vitit, ndërsa afati i saktë i rikthimit do të përcaktohet pas vlerësimeve dhe trajtimit të mëtejshëm. Ky nuk është dëmtimi i parë serioz për të në sezonet e fundit: më herët ai mungoi gjashtë muaj pas një dëmtimi në fund të prillit.
Këtë sezon, Mendy ka vetëm 1 paraqitje me “Los Blancos”, duke luajtur 90 minuta në Champions League kundër Olympiacos (fitore 4–3).
