Një tifoz i Benficës është bërë viral në përpjekjen e tij komike për të “korruptuar” arbitrin me një kartmonedhë prej 50 eurosh gjatë ndeshjes së kthimit të play-off-it të Champions League mes Benficës dhe Monacos.
Në kohën shtesë të këtij takimi, rezultati ishte 3-3, dhe me fitoren 0-1 të Benficës në ndeshjen e parë, ata ishin në udhëheqje për t’u kualifikuar. Por, një gol i Monacos mund të çonte ndeshjen në shtesa, ndaj çdo moment në fushë kishte rëndësi të madhe.
Në ato momente tensioni, pas një ndërhyrjeje të dyshimtë në zonën e Monacos, gjyqtari Nyberg u thirr nga VAR për të rishikuar aksionin. Gjatë këtij momenti, tifozi i Benficës filloi të valëviste kartmonedhën prej 50 eurosh pranë arbitrit, duke tentuar ta “bindte” komikisht që të jepte penallti.
Natyrisht, arbitri e injoroi plotësisht ofertën, por pamjet u kapën nga kamerat dhe shpërthyen menjëherë në rrjetet sociale, duke shkaktuar shumë reagime dhe ironizime. Pasi rishikoi pamjet, gjyqtari suedez qëndroi i palëkundur dhe nuk akordoi penalltinë.
