Lucas Vazquez dhe David Alaba po kalojnë një nga momentet e tyre më delikate që kur kanë veshur fanellën e Real Madridit. Eliminimi i fundit i madrilenëve në Champions League, pas humbjes me Arsenalin, ka shkaktuar një valë të madhe kritikash nga tifozët, ku shumë prej tyre bëjnë fajtorë për eleminimin pikërisht dy lojtarët në fjalë.
Performanca e tyre në ndeshjet e fundit ka zhgënjyer tifozët, të cilët kërkojnë ndryshime urgjente për sezonin e ardhshëm. Pakënaqësia nuk është kufizuar vetëm në komentet dhe reagimet në rrjetet sociale. Në forume dhe diskutime të ndryshme, tifozët kanë rënë dakord që si galiciani ashtu edhe austriaku nuk ofrojnë më garanci të mjaftueshme për të veshur fanellën e Realit.
Edhe pse ende nuk ka një qëndrim zyrtar për dy lojtarët, mediat spanjolle janë të sigurta se largimi i tyre në verë është 100% i sigurt. E ardhmja e Vazquez dhe Alaba me shumë gjasa do jetë larg La Ligës dhe Europës, për spanjollin ka interes në ligën arabe, ndërsa për austriakun në MLS.
