Një tërmet me magnitudë 4 të shkallës Rihter është regjistruar mëngjesin e sotëm në zonën kufitare mes Shqipërisë dhe Greqisë, në Çamandë të Filatit.
Tërmeti është regjistruar në orën 06:14 dhe lëkundjet janë ndjerë edhe në qytetin e Sarandës, duke shkaktuar shqetësim te banorët e zonës.
Sipas të dhënave paraprake, nuk raportohet për dëme materiale apo të lënduar, por lëkundjet e forta kanë zgjuar shumë banorë në orët e para të mëngjesit.
Institucionet po monitorojnë situatën dhe do të japin informacione të mëtejshme në rast se do të ketë zhvillime të reja./ilirianews
