Për herë të parë këtë sezon, reshjet e borës kanë përfshirë zonat verilindore të vendit, duke shënuar nisjen e vërtetë të motit dimëror. Një masë ajrore e ftohtë ka sjellë ulje të ndjeshme të temperaturave, të shoqëruara me reshje shiu dhe dëbore, veçanërisht në zonat malore mbi 1000 metra lartësi.
Fshatra të thellë si Shishtaveci, Zapoti, Topojani, Gryk-Qaji, Arreni dhe Kalisi janë mbuluar nga një shtresë bore, duke krijuar një panoramë të bardhë dhe një atmosferë tipike dimri. Deri në këto momente, nuk janë raportuar probleme në qarkullimin rrugor apo në furnizimin me energji dhe produkte bazë.
