Shqipëria do të ndikohet ditën e sotme nga masa të ftohta ajrore çka do të sjellin në territorin tonë një mot të kthjellët, por me temperatura të ulëta.
Kryesisht zonat e ulëta dhe ato bregdetare do të kenë prani të pakët të vranësirave, ndërsa në zonat malore do të ketë vranësira më të shpeshta duke sjellë kështu dhe reshje dëbore të izoluara.
Temperaturat e ajrit do të pësojnë sërish rënie në të dy vlerat ekstremale ditore duke u luhatur nga -5°C vlera minimale e shënuar në qytetin e Bulqizës deri në 13°C vlera maksimale e cila pritet në Fier dhe Kuçovë.
Era do të fryjë mesatare deri e fortë me shpejtësi mbi 35 km/h nga drejtimi permanent Verilindor, duke krijuar në brigjet detare dallgëzim deri në 4 ballë.
