Territori i Shqipërisë do të mbizotërohet ditën e sotme nga një mot i kthjellët me kalime të lehta vranësirash.
Pjesa e parë e ditës do të ndikohet nga një mot i freskët, ndërsa pasditja do të sjellë prezentë të vranësirave pothuajse në të gjithë territorin.
Më të theksuara vranësirat do të jenë në zonat Veriore dhe Verilindore duke sjellë momente me pika shiu në skajin Verilindor. Të njëjtat kushte atmosferike do të na shoqërojnë edhe gjatë natës.
Temperaturat e ajrit do të pësojnë rënie në vlerat minimale, por vijojnë konstante maksimalet duke luhatur vlerat ditore nga 7°C vlera minimale e shënuar në qytetin e Pukës deri në 32°C vlera maksimale e cila do të regjistrohet në qarkun e Vlorës.
Era do të fryjë mesatare deri e fortë arritur shpejtësinë maksimale mbi 50 km/h nga drejtimi verior, për pasojë në brigjet detare do të gjenerohet dallgëzim 4 ballë.
