Sekretarja e shtypit e Shtëpisë së Bardhë, Karoline Leavitt, doli në një deklaratë të SHBA-së lidhur me bisedën telefonike të zhvilluar sot mes presidentëve Trump dhe Zelensky, e cila u vlerësua si “fantastike” dhe “produktive.”
Leavitt theksoi se biseda “ndihmoi ndjeshëm” përpjekjet për të përfunduar luftën. Presidenti Zelensky e falënderoi SHBA-në, duke shprehur mirënjohje të veçantë për raketat Javelin, të cilat ishin dhënë për herë të parë nga Trump për Ukrainën.
Gjatë bisedës, liderët shqyrtuan gjithashtu situatën në Kursk dhe ranë dakord për të ndarë informacionin në mënyrë më të afërt. Trump propozoi që SHBA të marrë kontrollin e termocentraleve të Ukrainës për të siguruar mbrojtjen e tyre, ndërsa Zelensky kërkoi raketa shtesë për mbrojtjen ajrore të civilëve të Ukrainës. Trump u angazhua të punonte me të për këtë çështje.
Bisedimet do të vazhdojnë në Jeddah, Arabia Saudite, në ditët e ardhshme, sipas deklaratës. Zelensky gjithashtu falënderoi Trumpin për nxitjen e shkëmbimit të të burgosurve, proces që pati sukses këtë ditë.
