Mediat italiane raportojnë se Milan është vënë në ndjekje të Arda Guler, talentit turk që nuk po gjen shumë hapësira te Real-i. I vetëdijshëm për mundësitë e kufizuara nën komandën e Carlo Ancelotti-t, klubi kuqezi kërkon një huazim që do t’i lejojë talentit turk të shpalosë potencialin e tij të plotë në Serie A, duke e vendosur si një pjesë kyçe në skemën sulmuese të kuqezinjve.
Deri tani këtë sezon, Arda Guler ka luajtur vetëm 830 minuta në 23 ndeshje, duke shënuar tre gola dhe duke dhënë pesë asiste. Përkundër faktit që ka treguar cilësitë e tij në ato minuta që ka pasur në dispozicion, ai nuk ka arritur të sigurojë një vend të rregullt startues te “Los Blnacos”, në një ekip ku konkurrenca në mesfushë është tejet e madhe.
Aktualisht, negociatat janë në një fazë paraprake, por interesimi i Milan-it për talentin e ri tregon qartë gatishmërinë e tyre për të bërë përpjekje për të forcuar skuadrën e tyre për gjysmën e dytë të sezonit. Nëse arrihet marrëveshja mes dy klubeve, do të jetë vetëm një huazim deri në fund të sezonit pa të drejtë blerjeje.
