Verën e kaluar, Barcelona ishte shumë pranë transferimit të Nico Williams, por në fund lojtari në mënyrë të habitshme zgjodhi të vazhdojë me Athletic Bilbao. Anësori spanjoll është bërë sërish objket merkatojë, por këtë herë emri i tij nuk lidhet më me Barcelonën. “Marca” raporton se Real Madrid është i gatshëm të paguajë kluazolën e 22-vjeçarit këtë verë.
Nico Williams shihet si zëvendësuesi ideal i Rodrygo-s, braziliani pritet të largohet nga Madridi këtë verë dhe destinacioni i tij me shumë gjasa do jetë Premier League. Në këto kushte, Realit i duhet një anësor dhe mesa duket zgjedhja e klubit madrilen është pikërisht Nico ëilliams.
Klauzola që Athletic Bilbao i ka vendosur anësorit spanjoll është 58 milionë euro, shifër që nuk përbën problem për një klub me financa të shëndosha si Real Madrid. Nico Williams mesa duket është zgjedhja e Xabi Alonso-s, trajneri spanjoll e pëlqen shumë 22-vjeçarin dhe e shëh atë si profilin e duhur në krah.
Ndryshe nga sezoni i kaluar, këtë vit Barcelona nuk e ka pasur objektiv Williams, por ai që do mërzitet për transferimin e mundshëm te Real Madrid, është Lamine Yamal, pasi dyshja ka një raport shumë të ngushtë mes tyre dhe gjithmonë e kanë shprehur dëshirën për të luajtur bashkë.
